Lo Lís, en Bearn — a quauquas minutas de Pau
Ua petita escòla on los mainats creishen en bearnés
Au pè de las montanhas, ua vintena de mainats, de la mairala au CM2, qu'aprenen en bearnés, que cultivan l'òrt e que decidan amassa. Escòla associativa, laïca e devath contracte dab l'Estat.
Çò qui hè aquesta escòla
Lo bearnés, deu matin au ser
A la mairala, tota la vita de la classa que's hè en bearnés. Lo francés qu'arriba chic a chic a partir de la fin deu CP. Las duas lengas que viven amassa, shens problèma.
Ua pedagogia entà decidir amassa
Conselh de classa, trabalh en cooperacion, aprentissatge per l'experiéncia : los mainats qu'an responsabilitats vertadèras. Los progrès que's segueishen dab colors, shens classament.
Minjar cosinat a l'escòla, un òrt dehòra
La nosta cosinèra que prepara lo minjar a l'escòla, dab productes deu país e bio quan se pòt. L'òrt e las sortidas dens la natura que hèn partida deus aprentissatges.
L'escòla en chifras
≈ 20
calandrons dens l'escòla
2
classas, cada ua dab lo son regent
Mairala → CM2
tots los nivèus, sus un sol lòc
100 %
deus programas de l'Educacion nacionala
Entà compréner, lo mei simple qu'ei de possar la pòrta
Que vos arcuelhem, que passatz un moment dens las classas, que pausatz totas las vòstas questions. Nada familha n'a besonh de parlar bearnés entà inscríver lo son mainat : la màger part deus parents ne'n parlavan pas abans d'arribar.
Nos contactar
- Adreça
- Escòla Calandreta deu Lís
16 chemin du bourg
64260 Lys - Telefòn
- 06 03 71 13 23
- Corrièr electronic
- cap.lis@calandreta.org
L'Estat que paga los regents. L'associacion que paga tot lo rèste.
Material pedagogic, salaris de l'acuèlh deu matin e de la cosina : tot aquò que repausa sus las cotizacions de las familhas, las hèstas e las vendas de sostien. Tres faiçons d'ajudar.
- Crompar a la botiga de sostien
- Aderir a l'associacion
- Balhar un chic de temps