Sostenir l'escòla
Har un don a l'escòla
L'Estat que paga los regents. Tot lo demorant — lo material de las classas, los salaris deu personau qui enròda los mainats, las sortidas, la cantina — qu'ei pagat per l'associacion, gràcias a las cotizacions de las familhas, a las hèstas e a las vendas amassadas. Un don que s'ajusta ad aquò, dirèctament.
A qué serveish lo vòste don
Ua escòla de vint calandrons, duas classas, ua associacion tenguda per parents benevòls. Ací, concrètament, çò qui finança lo don.
Lo material de las classas
Libes e albums en occitan, fornituras, jòcs, material de pedagogia Freinet : estamparia, fichèrs de trabalh individualizat, utís de cada dia de las duas classas.
Los salaris deu personau d'apui
L'Estat que paga los regents. L'associacion, era, qu'emplega e que paga las personas qui s'ocupan deus mainats a l'entorn de la classa : acuèlh, ajuda aus mei petits, temps de miejorn.
Las sortidas e los projèctes
Desplaçaments, rencontras enter calandretas, espectacles e intervenents en occitan : çò qui hè sortir los calandrons de l'escòla e víver la lenga endehòra.
La cantina e l'òrt
Repaishs bio aprestats sus plaça e l'òrt cultivat peus mainats : duas causas qui l'associacion pòrta soleta, dia après dia.
Un don regular ?
Lo don mesadèr n'ei pas encara possible sus lo site. Escrivetz-nos a cap.lis@calandreta.org : l'associacion que vos dirà çò qui ei possible de har.
Pagament segur, propulsat per HelloAssoL'escòla ne ved pas e ne guarda pas las vòstas coordenadas bancàrias : lo pagament que's hè sus HelloAsso, qui torna balhar los dons a l'associacion.